|
Is eagraíocht
forbartha pobail go príomha é NEARfm a úsáideann
an raidió mar mheán. Is é atá i gceist
le forbairt phobail cumhacht a thabhairt do dhaoine áitiúla
trí eolas agus scileanna a thabhairt dóibh, chomh
maith le féiniúlacht pobail a fhorbairt. Is gléas
sainiúil é an raidió pobail sa mhéid
seo:
Trí thraenáil
a thabhairt i scileanna cumarsáide agus rochtain ar na haerthonnta
a thabhairt, cabhraíonn NEARfm leis na nithe seo a leanas:
Malartú eolais, cruthú gréasáin i measc
grúpa daoine, scileanna agus traenáil a chur ar fáil
- rudaí atá riachtanach i dtaca le comhphobal a fhorbairt:
Tuiscint a chur chun cinn faoi na grúpaí pobail agus
na háiseanna go léir atá sa cheantar.
Cumhacht a thabhairt do na grúpaí seo chun iad féin
a chur chun cinn agus labhairt go díreach leis an bpobal.
Feidhmíonn stáisiún raidió pobail mar
phointe fócais d'fhorbairt phobail, agus spreagann sé
na nithe seo thuas sa mhéid gur fhág na mór-mheáin
go leor de na grúpaí seo as an áireamh go traidisiúnta
mar nach bhfuil ar chumas na mór-mheán déileáil
go cuimsitheach le cúraimí agus fadhbanna a bhaineann
le pobail ar leith. Is meán daonlathach é an raidió
pobail a chabhraíonn le heagraíochtaí poiblí
agus deonacha, mar chuid den earnáil atá ag teacht
chun cinn a bhaineann le forbairt phobail neamhbhrabúsach.
Molann sé réimse gníomhaíochtaí
chun é seo a bhaint amach.
|
