|
CAD
IS RAIDIÓ POBAIL ANN?
|
| Freastalaíonn
Raidió Pobail ar phobal áitiúil nó ar
phobal a bhfuil spéis ar leith aige. Tá an bhéim
ar ghné an daonlathais a chur chun cinn sna meáin chumarsáide.
Is í an aidhm go mbeadh teagmháil ag an bpobal leis
na meáin, go mbeadh seilbh ag an bpobal ar na meáin,
go dtabharfaí éisteacht don phobal nuair a bheadh cinneadh
á dhéanamh agus go mbeadh baint ag an bpobal leis na
cláracha a dhéantar. Is é an pobal a dhéanann na cláracha, agus bíonn béim ar nithe a bhaineann leis an bpobal áitiúil. Is í an difríocht ná go ndéanann na daoine féin na cláracha in ionad díreach a bheith ag caint faoin bpobal. Neartaíonn sé seo an cultúr áitiúil sa mhéid go n-aithníonn daoine gur leo féin an stáisiún. Fóram is ea an stáisiún do réimse leathan de thuairimí áitiúla. In ionad a bheith ag iarraidh 'íomhá' aonchineálach a chruthú faoi mar a dhéanann na stáisiúin mhóra, bíonn meas ar an éagsúlacht agus tugtar spreagadh di. Bíonn an stáisiún ina iomláine fós in ann 'aitheantas' dá chuid féin a bheith aige, ach is féidir leis seo a bheith bunaithe ar an éagsúlacht agus ar iolrachas. |
|
|